ქართული კულტურის ცენტრი Dancing Crane Company და ნიუ-იორკის ქართული თეატრი ახალ სპექტაკლს დგამს.

"კლინიკური ქორწინება" რომელმაც 2010 წელს მიხეილ თუმანიშვილის სახელობის ფონდის კონკურსის პირველი პრემია მიიღო, ირაკლი სამსონაძის პიესის მიხედვით ბრუკლინის მუსიკის აკადემიაში გათამაშდება.

სიუჟეტის მიხედვით მოქმედება კერძო კლინიკაში მიმდინარეობს, სადაც ყველაფერს მთავარი ექიმი განკარგავს, თუმცა მუდმივი არაფერია და კლინიკაში ახალი პაციენტი მოდის, რომელიც ახალ პრობლემებს აჩენს, მის მოსაგვარებლად კი მთავარი ექიმი ყველანაირ ხერხს მიმართავს.

ბრუკლინის თეატრში ქართული დასი ყველასთვის ნაცნობ და მარადიული პრობლემებს - ღალატს, უმუშევრობას, ალკოჰოლიზმს, დანაშაულის თვიდან არიდების მცდელობას, ტყუილს, განდიდების სურვილსა და ნებისმიერი გზით კეთილდღეობის მოპოვებას შეეხება.

მიუხედავად დრამატული სიუჟეტისა, სპექტაკლი კომედიის ელემენტებს შეიცავს.

სპექტაკლში მონაწილეობას ნიუ-იორკის ქართული დასის მსახიობები: დავით ტოპრაკაშვილი, ანრი კალანდარიშვილი, ირინა ჩინაშვილი, ირაკლი ლებანიძე, ცუცა კაპანაძე, გიორგი ნარიმანიძე, ნატალია გოდერძიშვილი და ლიკა სირელსონი მიიღებენ.

ბრუკლინის მუსიკის აკადემია ცნობილი როგორც პროგრესული და ავანგარდული წარმოდგენების ცენტრი.