უკრაინის პრეზიდენტი, ვოლოდიმირ ზელენსკი აცხადებს, რომ უკრაინა მზადაა აზოვსტალიდან ხალხის ევაკუაციისთვის მოლაპარაკებები დაიწყოს და შეთანხმებები დაუყონებლივ შეასრულოს. მისი თქმით, ელოდებიან იქ მყოფი ადამიანების მიმართ რუსეთისგან ჰუმანურ მოპყრობას.

"უკრაინა მზადაა სასწრაფო მოლაპარაკებებისა და მიღწეული შეთანხმებების დაუყოვნებელი შესრულებისთვის აზოვსტალიდან ხალხის ევაკუაციისთვის. ჩვენ ასევე ველოდებით ამ ადამიანების მიმართ ჰუმანურ მოპყრობას რუსეთის ფედერაციისგან. ვიმედოვნებთ, რომ გენერალური მდივნის მისიის ეს ნაწილი ეფექტური იქნება. ჩვენ მზად ვართ გავაკეთოთ ყველაფერი, რათა ხელი შევუწყოთ ამას", — თქვა მან.

ევაკუაციის საკითხი ზელენსკიმ გაეროს გენერალურ მდივანთან, ანტონიო გუტერეშთან განიხილა. გუტერეშმა ამ საკითხზე კომენტარი არ გააკეთა და განმარტა, რომ არ სურდა დაბრკოლებების შექმნა.

ბრიფინგზე ზელენსკიმ ხაზგასმით აღნიშნა, რომ მიუხედავად პუტინის განცხადებისა მარიუპოლში საომარი მოქმედებების სავარაუდო შეწყვეტის შესახებ, აზოვსტალის ტერიტორიას რუსული არმია კვლავ ბომბავს.