უკრაინის პრეზიდენტის ვოლოდიმირ ზელენსკის თანაპარტიელისა და მისი ნდობით აღჭურვილი პირის, დავით არახამიას თქმით, საქართველოს დელეგაციის ვიზიტს უკრაინაში არ დაესწრო, რადგან იმ განცხადებების შემდეგ, რაც გაკეთდა, ვერ ხედავდა აზრს მათთან შეხვედრაში.

მისივე განცხადებით, შთაბეჭდილება დარჩა, რომ სამთავრობო დელეგაცია ჩავიდა იმისთვის, რომ ბუჩას ფონზე სურათები გადაეღო.

"არ დავსწრებივარ, არ წავედი, რადგან ასეთი განცხადებების შემდეგ საერთოდ ვერ ვხედავდი ვერანაირ აზრს ამ ადამიანებთან შეხვედრაში. ოპოზიციურ პარტიასთან შესახვედრად წავედი, რადგანაც მესმოდა, რომ განსხვავებულია მათი პოზიცია.

ვკითხულობდი იქამდე ჩვენი საგარეო დაზვერვის სამსახურის შეფასებას. ვნახულობდი ვინ რა განცხადებებს აკეთებს, რადგან მე შთაბეჭდილება დამრჩა, რომ სამთავრობო დელეგაცია იმისთვის ჩავიდა, რომ ბუჩას ფონზე სურათები გადაეღო, ერთი-ორი ნუგეშის სიტყვა ეთქვა და ეჩვენებინა, რომ რაღაცნაირად ამ პროცესში არიან ჩართულები.

იმისთვის, რომ რეალურად იყო ჩართული და არა თითქოს, უნდა დაიცვა ის სანქციები, რასაც მთელი მსოფლიო ადებს რუსეთს", — განაცხადა მან მთავარი არხის ეთერში. [მთავარი არხის თარგმანი]

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში