უკრაინის პრეზიდენტი ვოლოდიმირ ზელენსკი ამერიკის სერთებულ შტატებს გამოყოფილი დახმარებისთვის მადლობას უხდის და აცხადებს, რომ ეს დახმარება დღეს ისე საჭიროა, როგორც არასდროს.

"ძალიან მადლიერი ვარ ამერიკის შეერთებული შტატების პრეზიდენტისა და ხალხის რუსული აგრესიის წინააღმდეგ უკრაინის ბრძოლის დროს მხარდაჭერისთვის. ეს დახმარება დღეს ისე საჭიროა, როგორც არასდროს! ეს ჩვენი დემოკრატიისა და თავისუფლების დამცველების სიცოცხლეს გადაარჩენს და დაგვაახლოებს მშვიდობის აღდგენასთან", — წერ ის ტვიტერზე.

ამერიკის შეერთებული შტატების პრეზიდენტმა ჯო ბაიდენმა დღეს, 21 აპრილს განაცხადა, რომ ქვეყანა უკრაინას 800 მილიონი დოლარის სამხედრო დახმარებას გაუგზავნის.