უკრაინაში მყოფი ქართველი სამხედრო, ვანო ნადირაძე Facebook-ზე წერს, უკრაინაში კიდევ ორი ქართველი მებრძოლი დაიღუპა. მანამდე მან გაავრცელა ინფორმაცია ერთი ქართველი სამხედროს დაღუპვისა და დაჭრის შესახებ.

On.ge ინფორმაციის დაზუსტებას საგარეო საქმეთა სამინისტროში ცდილობს. უწყების პასუხს მიღებისთანავე შემოგთავაზებთ.

უკრაინაში დაღუპული ქართველი მებრძოლები გია ბერიაშვილი და დავით რატიანი საქართველოში 24 მარტს გადმოასვენეს, 31 მარტს დავით გობეჯიშვილი, ხოლო 15 აპრილს ნიკა შანავა და დავით მენაბდიშვილი. გადმოსვენების დროს მოქალაქეები თბილისის აეროპორტში შეიკრიბნენ და პატივი მიაგეს დაღუპულებს.