რელიგიას თითქმის ყველა ქვეყნის კულტურასა და იდეოლოგიაში მნიშვნელოვანი როლი უკავია. ადამიანებს საკმაოდ ადრეული ასაკიდან სხვადასხვა რელიგიურ აღმსარებლობას მიაკუთვნებენ და მათაც სამყაროს მიმართ შეხედულებები ამ გზით უყალიბდებათ. თუმცა ხშირად ისეც ხდება, რომ ადამიანები ცხოვრების გარკვეულ ეტაპზე რელიგიურობაზე უარს ამბობენ და ამას სხვადასხვა მიზეზი აქვს.

ამ სტატიაში 8 ადამიანი ჰყვება, თუ როგორ შეეცვალათ რელიგიის მიმართ დამოკიდებულება კონკრეტული ფაქტების გამო. "რა მოვლენის შემდეგ აქციე რელიგიას ზურგი?" — ამ კითხვაზე Reddit-ის მომხმარებლები შემდეგ პასუხებს გვთავაზობენ:

1. "როცა 6 წლის ვიყავი, ლოცვის შემდეგ მოძღვარმა დედასთან წერილი გამატანა, რომელშიც ეწერა, რომ ეკლესიას საკმარის თანხას არ ვწირავთ. ამის შემდეგ ეკლესიაში არასდროს მივსულვარ", — nicklee803

2. "მესამე კლასში ქრისტიანული სკოლიდან გამრიცხეს, რადგან დედამ შემთხვევით ბიბლიის სხვა გამოცემა მიყიდა და არა ის, რომელსაც მასწავლებელი ითხოვდა", — __groundhogday__

3. "როცა 7 წლის ვიყავი, მითხრეს, რომ ბავშვობაში სექსუალური ძალადობის მსხვერპლად ყოფნა კარგი გამოცდილებაა, რადგან ღმერთმა საკუთარი თავხედობის გამო გაკვეთილი ასე მასწავლა. მე კი ეს გაკვეთილი უნდა დამხმარებოდა, რომ უკეთესი გავმხდარიყავი და ეშმაკისგან თავი დამეცვა", — meaton124

4. "ბავშვობაში ჩემს არცერთ რელიგიურ კითხვას არ პასუხობდნენ და იმას მეუბნებოდნენ, რომ "უბრალოდ რწმენა უნდა მქონოდა". ეს კი ცნობისმოყვარე ადამიანის თავიდან მოსაშორებლად ნამდვილად სულელური გზაა", — jaymae21

5. "საკვირაო ქადაგებებზე ან ფულის შეწირვას გვთხოვდნენ, ან იმის შესახებ გვიყვებოდნენ, რომ LGBTQ+ თემის წარმომადგენლები ცუდი ადამიანები არიან, ან იმას გვიმტკიცებდნენ, რომ ღმერთის გარეშე უღირსი ცოდვილები ვართ. ეს ძალიან მომაბეზრებელი იყო და ერთ კვირასაც გადავწყვიტე, რომ ლოცვაზე აღარ წავსულიყავი. ამას ამდენი ხნის შემდეგაც არ ვნანობ", — IngsocInnerParty

6. "ერთ დღესაც დავფიქრდი და მივხვდი, რომ როცა ყოვლისმცოდნე ღმერთის მიერ ხარ შექმნილი, რომელიც თავისუფალ ნებას გაძლევს და შემდეგ შენი თავისუფალი არჩევანის გამო გსჯის, დიდი სისულელეა", — ProbertsCokeStash

7. "ბავშვობაში მითხრეს, რომ ჩემი გარდაცვლილი ძაღლი სამოთხეში ვერ მოხვდებოდა და მას ვერასდროს ვნახავდი. ამის მიზეზი კი ის იყო, რომ ძაღლებს იესო ქრისტეს მიღება და პირად მხსნელად აღიარება არ შეუძლიათ. ამიტომ ძაღლები ჯოჯოხეთში ხვდებიან, რაც მე უსამართლობად ჩავთვალე", — BoredBSEE

8. "ბავშვობაში მინდოდა, რომ ბაბუას მსგავსად მღვდელი გავმხდარიყავი. თუმცა მითხრეს, რომ ჩემთვის ყველაზე დიდი მიღწევა ის იქნებოდა, თუ ერთ დღეს მღვდლის ცოლი გავხდებოდი. ამის ერთადერთი მიზეზი კი ის იყო, რომ პენისი არ მაქვს", — schroedingersnewcat