ლელო მზადაა, უკრაინაში ვიზიტით წავიდეს, როგორც ოპოზიციასთან, ისე ხელისუფლებასთან ერთად
![](http://monica.on.ge/2021/10/26/received_701286664159646_1_6177bd1943292.jpeg)
ფოტო: ლელო საქართველოსთვის
პარტია ლელოს განცხადებით, მათი წარმომადგენელი მზადაა, მონაწილეობა მიიღოს, როგორც ოპოზიციური პარტიების დელეგაციაში, ისე პარლამენტის თავმჯდომარის დაგეგმილ ვიზიტში უკრაინაში. მათივე თქმით, პარტია აქტიურად მონაწილეობს უკრაინის მხარდასაჭერ ყველა ღონისძიებაში, მიუხედავად მათი ორგანიზატორისა და ფორმატისა.
"ვთვლით, რომ საქართველოს პარლამენტის თავმჯდომარის უკრაინაში ვიზიტი უნდა გახდეს უდიდეს განსაცდელში მყოფი უკრაინელი ხალხისადმი სრულიად საქართველოს თანადგომის უპირობო დემონსტრირების დასაწყისი. სამწუხაროდ, ეს ხდება თვენახევრის დაგვიანებით და ქვეყნის საერთაშორისო იმიჯისთვის მიყენებული უდიდესი ზიანის შემდეგ, რომელსაც გამოსწორება სჭირდება, მათ შორის, ჩვენი ძალისხმევითაც.
შესაბამისად, ჩვენ წარმომადგენელი მზად იქნება მონაწილეობა მიიღოს როგორც ოპოზიციური პარტიების დელეგაციაში, ისე პარლამენტის თავმჯდომარის დაგეგმილ ვიზიტში უკრაინაში", — ნათქვამია ლელოს განცახდებაში.
დღეს, 13 აპრილს ცნობილი გახდა, რომ პარლამენტის თავმჯდომარემ გადაიფიქრა და უკრაინაში წავა. მისი თქმით, თავად დააკომპლექტებს უკრაინაში ვიზიტისთვის ჯგუბს.
ქართული ოცნების თავმჯდომარის, ირაკლი კობახიძის განცხადებით, მათთვის მისაღები არაა "ომის პარტიასთან" ერთად ვიზიტი უკრაინაში. მისი თქმით, ახლა მოცემულობა შეცვლილია ეს იქნება არა საპარლამენტო დელეგაციის, არამედ პარლამენტის თავმჯდომარის ვიზიტი.
მანამდე დროას ლიდერის, ელენე ხოშტარიამ თქვა, რომ უკრაინაში ქართულ ოცნებასთან ერთად რომ წავიდეს, "უკანასკნელი აფერისტი" უნდა იყოს. ამის შესახებ ის საკუთარ Facebook-ზე წერს და ხაზს უსვამს, რომ ბუჩაში წასვლის ერთ-ერთი ინიციატორი იყო და რჩება.
ნაციონალური მოძრაობის ერთ-ერთმა ლიდერმა, ხატია დეკანოიძემ კი აღნიშნა, რომ ოპოზიცია წავა ცალკე, უმრავლესობა, პარლამენტის თავმჯდომარე ცალკე. მისი თქმით, თავიდანვე დაგეგმილი იყო უკრაინაში ოპოზიციის ერთობლივი ვიზიტი.
იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები