დიდი ბრიტანეთის საგარეო საქმეთა მინისტრის, ლიზ ტრასის განცხადებით, თუ მარიუპოლში ოკუპანტების მიერ ქიმიური იარაღის გამოყენება დადასტურდება პუტინი პასუხისგებაში მიეცემა.

"ვრცელდება ინფორმაცია, რომ შესაძლოა, რუსულმა ძალებმა მარიუპოლის მოსახლეობაზე თავდასხმისას ქიმიური ნივთიერება გამოიყენეს. პარტნიორებთან დეტალების გადასამოწმებლად ვმუშაობთ. ასეთი იარაღის ნებისმიერი გამოყენება კონფლიქტის თავხედური ესკალაცია იქნება და ჩვენ პუტინსა და მის რეჟიმს აუცილებლად მივცემთ პასუხისგებაში", — წერს ის.

გუშინ აზოვის ბატალიონმა განაცხადა, რომ რუსეთის საოკუპაციო ძალებმა მარიუპოლში უკრაინელი სამხედროებისა და მშვიდობიანი მოქალაქეების წინააღმდეგ გაურკვეველი წარმომავლობის მომწამვლელი ნივთიერება გამოიყენეს. მათი თქმით, ნივთიერება რუსებმა უპილოტო საფრენი აპარატიდან ჩამოაგდეს. დაზარალებულებს აღენიშნებათ სუნთქვის უკმარისობა. აზოვის ბატალიონის ცნობით, ნივთიერების გამოყენების შედეგები ზუსტდება.

უკრაინსკა პრავდას განცხადებით, თავდაცვის სამინისტროსთან დაახლოებულმა წყარომ მათ უთხრა, რომ რუსი ოკუპანტების მიერ ქიმიური იარაღის გამოყენების ალბათობა ძალიან მაღალია.

ამავე თემაზე: