კრამატორსკის მერის განცხადებით, საავადმყოფოები დაჭრილთა რაოდენობას ვერ უმკლავდებიან. მისივე თქმით, რუსული რაკეტის ნამსხვრევები ეპიცენტრიდან 40 მეტრში იპოვეს, რაც თავდასხმის სიმძლავრეზე მიუთითებს.

"ბევრი ადამიანია მძიმედ, ხელების და ფეხების გარეშე. მათ ოპერაციას უტარებს 30-40 ქირურგი ერთდროულად", — ციტირებს მერს Unian.

მან ასევე განაცხადა, რომ დაბომბვის დროს სადგურზე დაახლოებით 4000 ადამიანი იმყოფებოდა, რომლებიც ევაკუაციას ელოდნენ.

უკრაინის უსაფრთხოების სამსახურისა და ნაციონალური პოლიციის პირველადი მონაცემებით, რკინიგზის სადგურზე ოკუპანტების დაბომბვის შედეგად 39 ადამიანი დაიღუპა, მათ შორის 4 ბავშვია.

უკრაინა 24 დონეცკის პოლიციის უფროსზე დაყრდნობით წერს, რომ სადგურს ისკანდერიდან კასეტური ბომბებით გაუხსნეს ცეცხლი. უსაფრთხოების სამსახურმა უკვე აღძრა სისხლის სამართლის საქმე ომის კანონებისა და წესების დარღვევაზე.

ამავე თემაზე: