საგარეო საქმეთა და უსაფრთხოების პოლიტიკის სფეროში ევროკავშირის უმაღლესი წარმომადგენლი ჯოზეფ ბორელი გმობს კრამატორსკის რკინიგზის სადგურის დაბომბვას, საიდანაც ევაკუაცია მიმდინარეობდა.

"მკაცრად ვგმობ რუსეთის თავდასხმას კრამატორსკში რკინიგზის სადგურზე, სადაც ათეულობით ადამიანი დაიღუპა და ბევრი დაიჭრა. ეს არის კიდევ ერთი მცდელობა, შეზღუდოს ევაკუაციის გზები", — წერს ის.

ოკუპანტებმა დაბომბეს დონეცკის ოლქში, კრამატორსკის რკინიგზის სადგური, საიდანაც ევაკუაცია მიმდინარეობდა. უკრაინა აცხადებს, რომ სადგურს ისკანდერიდან კასეტური ბომბებით გაუხსნეს ცეცხლი, რის შედეგადაც ათეულობით ადამიანი დაიღუპა. უკრაინის პრეზიდენტის, ვოლოდიმირ ზელენსკის განცხადებით, დაიღუპა 30-ზე მეტი ადამიანი, 100-მდე კი დაშავდა.