ალექსანდრე ლუკაშენკო მოითხოვს, რუსეთ-უკრაინის მოლაპარაკებებში ბელარუსიც მონაწილეობდეს. ის სტამბულის პლატფორმას აკრიტიკებს, ამბობს, რომ საგარეო საქმეთა სამინისტროს მისცა ბრძანება ეს საკითხი მოაგვაროს, თუმცა იქვე ამტკიცებს, თითქოს ბელარუსის პლატფორმის გამოყენებას დაჟინებით არ ითხოვს.

"უბრალოდ, პირველად მინდა მოგახსენოთ ჩვენი პოზიცია, რომელიც საგარეო საქმეთა მინისტრმა იცის და საგარეო საქმეთა სამინისტროს განხორციელება დაევალა. ბელარუსის მონაწილეობის გარეშე მოლაპარაკებები ვერ იქნება.

ვინაიდან თქვენ ჩაგვრთეთ ამაში, პირველ რიგში დასავლეთის ქვეყნებმა, იქ, ამ მოლაპარაკებებზე, რა თქმა უნდა, ბელორუსის პოზიცია უნდა გაჟღერდეს", — განაცხადა მან უშიშროების საბჭოს სხდომაზე.

ლუკაშენკო უკმაყოფილია, რომ მოლაპარაკებები ნატოს წევრ ქვეყანაში მიმდინარეობს და ამავდროულად, ამბობს იმასაც, რომ მისთვის მთავარია ომი დასრულდეს და "დაე, იქ გამართონ".

"მათ არ სჭირდებოდათ სამშვიდობო მისია ბელორუსიაში. გეგმის მიხედვით, მე გითხარით: მათ რუსეთთან ერთ კალათში ჩაგვსვეს და გადაწყვიტეს, ბარემ მოეგვარებინათ. რა მშვიდობის პლატფორმა (ბელარუსში), საჭიროა, მაგალითად, სტამბულში, ნატოს წევრ ქვეყანაში. [...]

მთავარია, შედეგი იყოს, რადგან ომი, კიდევ ერთხელ ხაზგასმით აღვნიშნავ, ბელარუსისთვის დიდი ზიანია", — განაცხადა მან.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში