დამასკოს საერთაშორისო აეროპორტის სიახლოვეს ძლიერი აფეთქება მოხდა, რომელსაც ხანძარი მოჰყვა. BBC-ის ცნობით, აფეთქების გამომწვევ მიზეზებზე ინფორმაცია ჯერჯერობით არ ვრცელდება.

"აფეთქება იმდენად ძლიერი იყო, რომ მისი ხმა მთელ დედაქალაქში გაისმა" - აცხადებს ბრიტანეთში არსებული ადამიანის უფლებათა სირიის ობსერვატორიის ხელმძღვანელი.

ერთ-ერთი ლიბანური ტელეარხის განცხადებით, აფეთქება ისრაელიდან საჰაერო თავდასხმამ გამოიწვია. ტელეკომპანიის ინფორმაციით, აფეთქების შედეგად არავინ დაშავებულა.

სირია 2011 წლიდან სამოქალაქო ომშია ჩართული. კონფლიქტის დროს 320 ათასზე მეტი ადამიანი დაიღუპა.

რა ხდება სირიაში? - მოკლედ