ამერიკის შეერთებული შტატების პრეზიდენტი, ჯო ბაიდენი ბუჩაში ომის დანაშაულისთვის ოკუპანტი ქვეყნის პრეზიდენტის, ვლადიმერ პუტინის გასამართლებას ითხოვს და ამბობს, რომ დამატებითი სანქციების დაწესებას განიხილავს.

"ის რაც ბუჩაში ხდება აღმაშფოთებელია და ეს ყველამ დაინახა", — თქვა მან.

ბაიდენის თქმით, ბუჩაში გადაღებული სურათები ამართლებს მის შეფასებას, რომ პუტინი "ომის დამნაშავეა". აშშ-ის პრეზიდენტი ამბობს, რომ უკრაინისთვის იარაღის მიწოდება უნდა გააგრძელონ.

ბაიდენმა 17 მარტს პუტინს ომის დამნაშავე უწოდა. უწოდა.

მას შემდეგ, რაც ქალაქებისა და დასახლებების ნაწილზე უკრაინულმა ჯარებმა კონტროლი დაიბრუნეს, ვრცელდება, როგორც ადგილობრივი, ასევე, საერთაშორისო მედიების გადაღებული ფოტო-ვიდეო მასალა, სადაც ჩანს, რომ ქუჩებში ადამიანების ცხედრებია, მათ ნაწილს ხელები აქვს შეკრული.