ამერიკის შეერთებული შტატების პრეზიდენტმა, ჯო ბაიდენმა რუსეთის პრეზიდენტს, ვლადიმერ პუტინს ომის დამნაშავე უწოდა. ამის შესახებ მან ჟურნალისტებს თეთრს სახლში შეხვედრის შემდეგ განუცხადა.

როგორც CNN წერს, პირველად დასმულ კითხვაზე — არის თუ არა პუტინი ომის დამნაშავე, ბაიდენმა უარყოფითი პასუხი გასცა. თუმცა, კითხვის დასაზუსტებლად ჟურნალისტებთან მიბრუნდა და როცა იგივე კითხვა გაუმეორეს, თქვა, რომ პუტინი ომის კრიმინალია.

თეთრი სახლის სპიკერის ჯენ ფსაკის განცხადებით, აშშ-ის პრეზიდენტი "გულიდან საუბრობდა". აღსანიშნია ისიც, რომ ეს პირველი შემთხვევაა, როდესაც ბაიდენმა პუტინს ომის დამნაშავე უწოდა.

ბაიდენის შეფასება უკვე დაგმეს რუსეთში. პუტინის პრესსპიკერმა, დმიტრი პესკოვმა განაცხადა, რომ ეს დაუშვებელი და უპატიებელი რიტორიკაა.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში