პრემიერმინისტრი ირაკლი ღარიბაშვილი ამბობს, რომ საქართველოში რაც შეიძლება მეტი ჰესი უნდა აშენდეს. მისი თქმით, მინისტრებს საბოლოო მოდელის შემუშავება დააავალა და მომავალ კვირაში ბიზნესს შეთავაზებათა პაკეტს წარუდგენს.

"გვჭირდება ენერგეტიკის სექტორში დამატებითი ინვესტიციების მოზიდვა, მაქსიმალურად უნდა დავაჩქაროთ ტემპები და ავაშენოთ რაც შეიძლება მეტი ჰესი საქართველოში — იქნება ეს მცირე, საშუალო ზომის თუ დიდი ჰესები. ამის თაობაზე, როგორც აღვნიშნე, მე დავავალე ეკონომიკის მინისტრს და ასევე, ფინანსთა მინისტრს. ჩვენ შევიმუშავებთ უახლოეს რამდენიმე დღეში საბოლოო მოდელს და წარმოგიდგენთ. ვფიქრობ, მომავალ კვირაში უკვე მექნება საშუალება, რომ შეთავაზება გავუკეთო ბიზნეს", — განაცხადა მან.

ღარიბაშვილი დასძენს, რომ გენერაცია ელექტროენერგიის მოთხოვნასა და მოხმარებას მნიშვნელოვნად ჩამორჩება, რაც ქვეყნის ენერგოუსაფრთხოებასა და ენერგოდამოუკიდებლობას უქმნის საფრთხეს.