პრემიერმინისტრის, ირაკლი ღარიბაშვილის განცხადებით, ტურისტულ სექტორს 2021 წლის ქონების გადასახადი ჩამოეწერებათ. მისი თქმით, ეს სექტორი კოვიდის გამო, ყველაზე მეტად დაზარალდა.

"საქართველოს ტურისტული სექტორისთვის 2021 წელს ქონების გადასახადის ჩამოწერას მოვახდენთ. ჩვენ შევისწავლეთ აღნიშნულ სექტორში არსებული სიტუაცია, გამოწვეული პრობლემები, რომლებიც ამ სექტორს დაუგროვდა. ბუნებრივია, ყველაზე მეტად დაზარალდა კოვიდის გამო ეს სექტორი, მათ შორის, სასტუმრო და სარესტორნო ინდუსტრია მთლიანობაში. ამიტომ 2021 წლის ქონების გადასახადს აღარ გადაიხდის ხსენებული სექტორი", — თქვა ირაკლი ღარიბაშვილმა.

ამის შესახებ ღარიბაშვილმა მთავრობის სხდომაზე ისაუბრა.