თუ ინვესტირებას გრძელვადიან პერსპექტივაში უყურებ, ისეთი აქციები უნდა მოძებნო, რომელიც წარსულში სტაბილურად განვითარდა და სამომავლოდაც ზრდის პერსპექტივას აჩვენებს.

ეს არ არის მარტივი, თუმცა არც შეუძლებელია. მთავარია, ზუსტად იცოდე, რა დროის ჰორიზონტზე გეგმავ ამ საქმეს და რამდენად შეგწევს უნარი, იყიდო ახლა და სამუდამოდ შეინახო ფასიანი აქციები.

ამ სტატიაში იმ აქციებზე გიყვებით, რომელთა ფლობასაც ბაზრის ექსპერტები გრძელვადიან პერსპექტივაში ურჩევენ.

Microsoft (MSFT)

ბოლო პერიოდში Microsoft-ის აღმავლობის დაწყებას სატია ნადელას კომპანიის აღმასრულებელ დირექტორად დანიშვნას უკავშირებენ. ეს 2014 წელს მოხდა, როდესაც კომპანია ეგრეთ წოდებულ სააბონენტო მოდელზე გადავიდა და ღრუბლოვან სერვისებზე გააკეთა აქცენტი. ამ დროისთვის კომპანიის აქციების ღირებულება 722%-ით გაიზარდა.

ამჟამად კომპანიის დივიდენდის განაკვეთი 0,8%-ია. ერთი აქციის ღირებულება კი 309,42 აშშ დოლარს უტოლდება. ბოლო ერთი წლის განმავლობაში Microsoft-ის აქციების ფასი დაახლოებით 24%-ით არის გაზრდილი.

West Pharmaceutical Services (WST)

ეს ის ბიზნესია, რომელიც პანდემიის პერიოდში მნიშვნელოვნად გაიზარდა. 2021 წელს სამედიცინო პროდუქტებზე მოთხოვნის კატასტროფულ ზრდას West Pharmaceutical Services მომზადებული შეხვდა. კომპანიას ინექციური საშუალებების შეფუთვების მიმართულებით ბაზრის 70%-ს იკავებს.

ამჟამად კომპანიის ერთი აქციის ღირებულება 417,03 დოლარს უტოლდება. ბოლო ერთი წლის ჭრილში WPS-ის ფასიანი ქაღალდების ღირებულება 44%-ით არის გაზრდილი.

Home Depot (HD)

ეს კომპანია ყველა იმ ნივთის ვაჭრობით არის დაკავებული, რომელიც სახლის მოწყობას უკავშირდება: ხელსაწყოები, სამშენებლო პროდუქტები, ტექნიკა, მომსახურება და სხვა.

უძრავი ქონების სექტორის შენელების ფონზე, მიმდინარე წლის დასაწყისთან შედარებით HD-ის აქციების ღირებულება 28%-ით არის შემცირებული. ბოლო წლების განმავლობაში ეს საკმაოდ დიდი ვარდნაა, თუ 2020 წლის მარტის თვეს არ ჩავთვლით.

ბაზრის ექსპერტების შეფასებით, ვარდნა გრძელვადიან პერსპექტივაში არ გაგრძელდება. ფრედი მაკის მიერ ჩატარებული კვლევის თანახმად, აშშ-ში საცხოვრებელი ერთეულების დეფიციტია.

ამჟამად კომპანიის ერთი აქციის ღირებულება 301,89 აშშ დოლარია, რაც ბოლო ერთი წლის ჭრილში დაახლოებით 4%-იან ვარდნას ნიშნავს.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.