ზაპოროჟიეში რუსეთმა და უკრაინამ ტყვეები გაცვალეს. პრეზიდენტის ოფისის ხელმძღვანელის მოადგილის, კირილო ტიმოშენკოს განცხადებით, 86 უკრაინელი სამხედრო გაათავისუფლეს.

მისი თქმით, გათავისუფლებული პირები უსაფრთხო ადგილას იმყოფებიან და მათ სიცოცხლეს საფრთხე არ ემუქრება.

პირველად რუსი და უკრაინელი სამხედრო ტყვეები 24 მარტს გაცვალეს. დროებით ოკუპირებული ტერიტორიების რეინტეგრაციის მინისტრის, ირინა ვერესჩუკის განცხადებით, 10 ოკუპანტი ტყვის სანაცვლოდ, 10 უკრაინელი ტყვე გაათავისუფლეს.