დიდი ბრიტანეთის დაზვერვის მაღალჩინოსნის განცხადებით, რუსმა ჯარისკაცებმა უარი თქვეს ბრძანებების შესრულებაზე და დააზიანეს საკუთარი აღჭურვილობა. მან ასევე ხაზი გაუსვა იმ გამოწვევებს, რომლებსაც რუსეთი აწყდება უკრაინაში.

GCHQ სადაზვერვო სააგენტოს დირექტორის, ჯერემი ფლემინგის განცხადებით, იმის მიუხედავად, რომ ვლადიმერ პუტინის მრჩევლებს ეშინიათ მისთვის სიმართლის თქმა, რეჟიმისთვის ცხადი უნდა იყოს, რომ რუსეთმა სტრატეგიული შეცდომა დაუშვა.

"სულ უფრო და უფრო ჩანს, რომ პუტინი არასწორად აფასებს სიტუაციას", — ამბობს ფლემინგი.

მაღალჩინოსნის თქმით, აშკარაა, რომ რუსეთი იყენებს დაქირავებულებს და უცხოელ მებრძოლებს თავისი ჯარის გასაძლიერებლად, მათ შორისაა ვაგნერის დაჯგუფება.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში