ბასისტ ჯონ უილიამსს კარგად ახსოვს ის მომენტი, როცა 30 წლის წინ The Arsenio Hall Show-ში იულ სმიტმა მის სიმელოტეზე იხუმრა. "ეს სერიოზულად არ მიმიღია. უილი კომიკოსი და რეპერი იყო, ამიტომ მისი ფრაზა ხუმრობად აღვიქვი", — ამბობს ჯონი.

ინტერნეტში 1991 წელს გადაღებული ვიდეო ვირუსულად ვრცელდება. თუმცა ჯონ უილიამსის თქმით, მაშინ სულ სხვა გარემოება იყო და ამიტომ, უილ სმიტის მიერ კრის როკისთვის გარტყმა მისთვის გასაგებია.

1991 წელს უილიამსი The Arsenio Hall Show-ს ბენდში უკრავდა, ხოლო უილ სმიტი გადაცემაში იყო მიწვეული. უილიამსის თქმით, იმ საღამოს უილ სმიტმა სწორედ მისი მელოტი თავი ამოიღო მიზანში. "ბასისტი? ის ნამდვილად მისდევს წესებს. დილაობით ის თავზე თმას ცვილით იშორებს. ეს წესია! ეს კაცი კი წესებს ნამდვილად იცავს", — ამბობს უილ სმიტი 1991 წლის ვიდეოში, რომელიც უკვე ტვიტერზეა.

როცა სმიტმა უილიამსის სიმელოტეზე იხუმრა, კამერაში ჯონიც გამოჩნდა, რომელიც ხუმრობაზე იცინოდა. სმიტმა კი თავადაც აღნიშნა, რომ "ეს მხოლოდ ხუმრობა იყო". უილიამსის აზრით, ეს ხუმრობა და უილს სმიტის ცოლის შესახებ ნათქვამი ხუმრობა ერთმანეთს ჰგავს, თუმცა ორი მნიშვნელოვანი ასპექტით განსხვავდება. პირველია ის, რომ უილიამსს ალოპეცია არ სჭირდა და თხელი თმის გამო გადაწყვიტა, თავი გადაეპარსა. მეორეა ის ფაქტორი, რომ კრის როკის ხუმრობის სამიზნე უილ სმიტის საყვარელი ცოლი, ჯეიდა პინკეტ სმიტი იყო.

"კრის როკი კარგი კომიკოსია და მე ის მომწონს. როცა კრისმა ჯეიდას შესახებ კომენტარი გააკეთა, თავიდან უილიც იცინოდა, სანამ არ მიხვდა, რომ მის ცოლს ეს ხუმრობა სასაცილოდ არ მოეჩვენა. სიყვარული ყველაფრის გაკეთებას გაიძულებს, ჯეიდა კი უილ სმიტს ძალიან უყვარს. უილის საქციელი ბრაზის შედეგია და ბრაზის შესაბამისად ხშირად მეც მიმოქმედია", — ამბობს უილიამსი, რომელიც უილის ქმედებას მკაცრად არ აფასებს.