BBC-ის ინფორმაციით, რუს ოლიგარქთან, რომან აბრამოვიჩთან დაახლოებულმა პირებმა დაადასტურეს, რომ ამ თვის დასაწყისში უკრაინის დელეგაციასთან სამშვიდობო მოლაპარაკებების შეხვედრის შემდეგ აბრამოვიჩი ნამდვილად მოიწამლა. მათ არ დაუკონკრეტებიათ კიდევ ვინ იყო სამიზნე ან თავდასხმის წყარო.

Wall Street Journal-მა გაავრცელა ინფორმაცია, რომ რუს ოლიგარქ რომან აბრამოვიჩს და მასთან მოლაპარაკებებზე მყოფ უკრაინის დელეგაციის წევრებს მოწამლვლის სიმპტომები ჰქონდათ. მედია წყაროზე დაყრდნობით წერს, რომ უკრაინის დედაქალაქში შეხვედრის შემდეგ, აბრამოვიჩსა და უკრაინის დელეგაციის ორ წევრს თვალების სიწითლე, სახესა და ხელებზე კანის აქერცლვა და მტკივნეული ცრემლდენა განუვითარდათ.

Wall Street Journal-ის ცნობით, რამდენიმე წყარო ამ ინციდენტში კრემლს ადანაშაულებს და ამბობენ, რომ მათ მოლაპარაკებების ჩაშლა სურდათ. მედია წერს, რომ როგორც აბრამოვიჩთან დაახლოებულმა პირმა თქვა, მათ არ იციან ვისი სამიზნე გახდა აღნიშნული ჯგუფი.

განახლება: თავდაპირველად BBC-იმ დაწერა, რომ რომან აბრამოვიჩის მოწამვლის შესახებ ინფორმაცია მისმა სპიკერმა დაადასტურა.