მირანდა ვაჩეიშვილი, რომელსაც ოჯახი დღის განმავლობაში ეძებდა, მოკლული იპოვეს. როგორც შსს-ში On.ge-ის უთხრეს, მკვლელობაში ბრალდებული პოლიციამ უკვე დააკავა.

როგორც გარდაცვლილის შვილი რუსთავი 2-თან საუბარში ამბობს, ბრალდებული ვაჩეიშვილს ყოფილი ქმარი, გიორგი ჯანაშვილია და ის ყოფილ ცოლს სიცოცხლეში ავიწროებდა, მასზე ფიზიკურად ძალადობდა და მოკვლით ემუქრებოდა, რის გამოც ვაჩეიშვილმა მრავალჯერ მიმართა პოლიციას.

შსს აცხადებს, რომ ბრალდებული ვაჩეიშვილი მკვლელობის შემდეგ შემთხვევის ადგილიდან მიიმალა, რის შემდეგაც "სამართალდამცველებმა ჯანაშვილი მომხდარიდან რამდენიმე წუთში, შემთხვევის ადგილის მიმდებარე ტერიტორიაზე დააკავეს".

გამოძიება განზრახ მკვლელობის ფაქტზე მიმდინარეობს (სსკ-ის 108-ე მუხლით).