ილია II-ის სამძიმარს აქვეყნებს და ამბობს, რომ სხვისთვის სიცოცხლის გაღება უდიდესი მსხვერპლია. დღეს, 26 თებერვალს უკრაინაში დაღუპული ქართველი ჯარისკაცების, დავით რატიანისა და გია ბერიაშვილის სამოქალაქო პანაშვიდი მიმდინარეობს.

"სამწუხაროდ, გლოვა გვიწევს ჩვენი მოხალისე ჯარისკაცების გამო. ამჟამად ვეთხოვებით უკრაინის ომში გარდაცვლილთ. ისინი მოყვასის სიცოცხლის გადასარჩენად იბრძოდნენ და თავიც შესწირეს. სხვისთვის სიცოცხლის გაღება უდიდესი მსხვერპლია!" — აღნიშნულია პატრიარქის განცხადებაში.

უკრაინაში დაღუპულ ქართველ მებრძოლებს, გია ბერიაშვილსა და დავით რატიანს დღეს დაკრძალავენ.

18 მარტს უკრაინაში 2 ქართველი ჯარისკაცი დაიღუპა. გია ბერიაშვილი და დავით რატიანი საქართველოში 24 მარტს გადმოასვენეს. თბილისის საერთაშორისო აეროპორტში ასობით მოქალაქე შეიკრიბა, რათა დაღუპულებისთვის პატივი მიეგოთ. მათ შორის იყო, საქართველოს პრეზიდენტი, სალომე ზურაბიშვილი.