საუდის არაბეთი გაეროს ქალთა მდგომარეობის შემსწავლელ კომისიაში გაწევრიანდა მიუხედავად იმისა, რომ უფლებადამცველების შეფასებით, ქვეყანაში ქალების უფლებრივი მდგომარეობა მძიმეა.

ახლო აღმოსავლეთის სამეფო, გაეროს ერთ-ერთ ორგანოში, 12 ქვეყანას შორის, ფარული კენჭისყრის გზით, ოთხი წლის ვადით აირჩიეს. კომისიის მისიაა, გენდერული თანასწორობისა და ქალთა გაძლიერების ხელშეწყობა.

Human Rights Watch-ის განცხადებით, ქალებს საუდის არაბეთიდან აკრძალული აქვთ პასპორტის აღება, დაქორწინება ან უმაღლესი განათლების მიღებამ მათი მეურვე კაცის თანხმობის გარეშე.

მათ ასევე ეკრძალებათ ავტომანქანის მართვა და ევალებათ მეურვე კაცის თანხმობის ქონა იმისათვის, რომ იმოგზაურონ ან იმუშავონ.

გაეროს გადაწყვეტილებას ქალთა უფლებების დამცველი ორგანიზაციები გამოეხმაურნენ. საერთაშორისო ქალთა უფლებების დამცველი ორგანიზაციის, Code Pink-ის თანადამფუძნებელი, მედეა ბენჯამინი ამბობს, რომ ამ ორგანიზაციაში საუდის არაბეთის გაწევრიანებით, გაეროს სანდოობა დაზიანდა.