საქართველოს მთავრობა ეკონომიკური დანაშაულის დეკრიმინალიზაციას გეგმავს. ცვლილებების შეტანა იგეგმება საგადასახადო კოდექსსა და სისხლის სამართლის კოდექსში. ამის შესახებ გიორგი კვირიკაშვილმა მთავრობის სხდომაზე განაცხადა.

პრემიერის განცხადებით, სისხლის სამართლის პასუხისმგებლობის დასაკისრებლად დადგენილი თანხის ოდენობა 50 ათასიდან 100 ათას ლარამდე იზრდება. ასევე, უქმდება სისხლის სამართლის პასუხისმგებლობა ისეთი ქმედებებისთვის, რომლებიც თავისი შინაარსით საგადასახადო სამართალდარღვევას წარმოადგენს. მთავრობაში აცხადებენ, რომ ცვლილებებზე ეკონომიკურმა გუნდმა იმუშავა.

"სპეციალური წამახალისებელი ზომები იქნება მიღებული იმ მოქალაქეებისთვის, რომლებსაც მიკროელექტროსადგურები აქვთ," - აღნიშნავენ მთავრობაში.