ფინანსთა სამინისტროს საგამოძიებო სამსახურმა სიგარეტი DUBAO-ს აქციზური მარკის გარეშე რეალიზაციის ბრალდებით, ერთი პირი დააკავა.

საგამოძიებო სამსახურის ცნობით, სამართალდამცავებმა ბრალდებული უაქციზო თამბაქოს ნაწარმის რეალიზაციისას დააკავეს, ხოლო სიგარეტი ნივთმტკიცების სახით ამოიღეს.

საქმეზე გამოძიება მიმდინარეობს საქართველოს სისხლის სამართლის კოდექსის მე -200 მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას ვადით 2-დან 4 წლამდე.