ერთი კვირაც არ გასულა, რაც Fox News-ის ყველაზე პოპულარული წამყვანი სამსახურიდან გაათავისუფლეს ქალების სექსუალურად შევიწროების ბრალდებების გამო და უკვე ტელევიზიის სხვა წამყვანს მსგავს დანაშაულში ამხელენ.

Fox Nnews-ის ერთ-ერთი ყოფილი სტუმარი, დები შლასელი, აცხადებს, რომ შონ ჰენითმა მას სასტუმროში ასვლა შესთავაზა. ინფორმაციას Los Angeles Times ავრცელებს.

"ჰენითი წიგნების მაღაზიაში მკითხველს საკუთარ წიგნზე ავტოგრაფებს ურიგებდა და მთხოვა მეც მისულიყავი. როდესაც შევხვდი, ძალიან უხერხული სიტუაცია წარმოიქმნა, მას თავის გვერდით ვყავდი, სანამ ავტოგრაფებს არიგებდა და ძალიან უადგილოდ ვგრძნობდი თავს. მისი მკითხველი არ მიცნობდა. შემდეგ წასვლა დავაპირე და მან მითხრა: 'იქნებ სასტუმროში ერთად ავსულიყავით?' რაზეც უარი ვუთხარი და დავამატე, რომ მისი შოუსთვის უნდა მოვმზადებულიყავი".

შლასელის თქმით, მას შემდეგ, რაც ჰენითს უარი უთხრა, ის Fox-ის ეთერში აღარ მიუწვევიათ.

შონ ჰენითი დაქორწინებულია და ორი შვილი ჰყავს. ის გავრცელებულ ცნობებს ფაბრიკაციას უწოდებს და დასძენს, რომ ცილისწამებისთვის ჩივილს აპირებს.