ოზურგეთის მუნიციპალიტეტის გამგეობის ცნობით, სპეციალურმა კომისიამ ზარალის სავარაუდო ოდენობა დაადგინა. მათი ინფორმაციით, ზარალი 1,5 მილიონ ლარს აჭარბებს.

23 აპრილის გრიგალის შედეგად ოზურგეთის მუნიციპალიტეტის 25-მდე სოფელში ადგილობრივი მაცხოვრებლები დაზარალდნენ. საერთო ჯამში, გადახდილია 220 კერძო საცხოვრებელი სახლის, 15 მრავალბინიანი კორპუსის, ოთხი საბავშვო ბაღისა და ერთი ბიბლიოთეკის სახურავი. ძლიერმა ქარმა მოთხარა მრავალწლოვანი ხეები და ელექტროგადამცემი ბოძები.

ფოტო: ოზურგეთის მუნიციპალიტეტის გამგეობა