თიბისიმ უკრაინელი ხალხის დასახმარებლად გახსნილ საქველმოქმედო ანგარიშზე თანხის გადარიცხვის პროცედურა გაამარტივა. ამისთვის თიბისის ციფრულ ბანკს ახალი შაბლონი დაემატა, რომელიც სხვასთან გადარიცხვის და სხვასთან მობილურის ნომრით გადარიცხვის გვერდებზეა ხელმისაწვდომი.

გარდა ამისა, IBAN სკანერის დახმარებით მომხმარებელს საქველმოქმედო ანგარიშის პირდაპირ ციფრულ ბანკში გადატანა შეუძლია. IBAN სკანერი ანგარიშის ნომერს ფოტოდან აღიქვამს და მომხმარებელს მისი ხელით გადმოწერა არ სჭირდება. თიბისის გადაწყვეტილებით, უკრაინის დახმარების მიზნით თანხის გადარიცხვისას მომხმარებლებს საკომისიო არ ჩამოეჭრებათ.

უკრაინელი ხალხის დახმარებლად შექმნილ ანგარიშზე მილიონ ნახევარ ლარზე მეტი შეგროვდა. შეგროვებული თანხა პერიოდულად ირიცხება უკრაინის ეროვნული ბანკში. კიდევ ერთხელ შეგახსენებთ საქველმოქმედო ანგარიშის ნომრებს:

GEL GE68TB7318736080100007

მიმღები: ააიპ თიბისელები

USD | EUR GE80TB7318736180100001

მიმღები: NNLE TIBISELEBI

თიბისის მობაილბანკის აპლიკაციის აიქონი უკვე ხელმისაწვდომია უკრაინის დროშის ფერებითაც.