არჩევნების წინასწარი შედეგებით, ცენტრისტი ემანუელ მაკრონი და ულტრა მემარჯვენე ლიდერი მარინ ლე პენი, 7 მაისს არჩევნების მეორე ტურში იბრძოლებენ საფრანგეთის პრეზიდენტობისთვის.

ფრანგული ტელევიზიების ეგზიტპოლების მონაცემებით, ხმები შემდეგნაირად გადანაწილდა:

  • ემანუელ მაკრონი - 23%;
  • მარინე ლე პენი - 21,7%;
  • ფრანსუა ფიონი - 19,5%;
  • ჟან-ლუკ მელანშონი - 19,5%.

ფოტო: Reuters

ამჟამად, უბნები დახურულია და ოფიციალურ შედეგებამდე ხმების დათვლა მიმდინარეობს. საფრანგეთის დიდ ქალაქებში, ადგილობრივი დროით 20 საათზე შეწყდა ხმის მიცემა.

ახალი პარტიის ონ მარშის ლიდერს ემანუელ მაკრონს მოქმედი პრეზიდენტის, ფრანსუა ოლანდის კაბინეტში ეკონომიკის მინისტრის თანამდებობა ეკავა. 39 წლის მაკრონი, ახალგაზრდა პოლიტიკოსია, რომლის ცენტრისტული პარტიაც ცდილობს ამომრჩეველს აჩვენოს, რომ ის პოლიტიკურად ახალ ძალას წარმოადგენს.

ლე პენსა და ემანუელ მაკრონს, საგარეო პოლიტიკის და ევროკავშირის მიმართ მკვეთრად განსხვავებული პოზიცია აქვთ. მაკრონი ემხრობა ევროპულ პროექტს და მის ახალ პარტიას ეკონომიკურად ცენტრისტული პლატფორმა უჭირავს. ლე პენის გამარჯვების შემთხვევაში, ის აპირებს რეფერენდუმის ჩატარებას, ქვეყნის მიერ ევროკავშირის წევრობის გადახედვის მიზნით.

პრეზიდენტობის თერთმეტ კანდიდატს შორის, ოთხი კანდიდატი ლიდერობდა, მათ შორის მარინ ლე პენი, ემაუელ მაკრონი, კომუნისტი, ჟან ლუკ მელანშონი, და რესპუბლიკელი ფრანსუა ფიონი, რომელმაც წინასწარი შედეგების გამოცხადების შემდეგ განაცხადა, რომ მეორე ტურში ემანუელ მაკრონს დაუჭერს მხარს.

საფრანგეთის ყოფილი პრემიერი მანუელ ვალსი ტვიტერის საკუთარ გვერდზე გამოეხმაურა წინასწარ შედეგებს და დაწერა, რომ როგორც პირველ ტურში, იგი მეორეშიც მაკრონს დაუჭერს მხარს.