მართალია, უკრაინა მსოფლიოს ყურადღების ცენტრში ბოლო პერიოდში განვითარებული მოვლენების გამო მოექცა, თუმცა ეს ქვეყანა აღმოსავლეთ ევროპაში თავისი ისტორიითა და კულტურით აქამდეც გამოირჩეოდა. უკრაინა დიდი ხანია, იმ ქვეყანათა რიცხვს მიეკუთვნება, რომლის ღირსშესანიშნაობებით ადგილობრივებიც ამაყობენ და რომელსაც ტურისტებიც ხშირად სტუმრობენ.

სტატიაში უკრაინის შესახებ 10 საინტერესო ფაქტს გთავაზობთ, რომლებიც, შესაძლოა, აქამდე არ გცოდნოდა. ეს სტატია კიდევ ერთხელ დაგარწმუნებს, რომ უკრაინა მსოფლიოს ერთ-ერთი საინტერესო ადგილია.

1. უკრაინა მხოლოდ ევროპაში მდებარე ქვეყნებს შორის ტერიტორიით პირველ ადგილზეა

ფოტო: Wikimedia Commons

თუ რუსეთის იმ ნაწილს არ გავითვალისწინებთ, რომელიც ევროპაში მდებარეობს, მაშინ უკრაინა ევროპის ყველაზე დიდი ქვეყანაა ტერიტორიის მიხედვით. უკრაინის ფართობი დიდ ბრიტანეთს თითქმის 3-ჯერ აღემატება.

2. უკრაინაში იუნესკოს მსოფლიო მემკვიდრეობის 7 ძეგლია წარმოდგენილი

ფოტო: Wikimedia Commons

მსოფლიო მემკვიდრეობის ძეგლთაგან ერთ-ერთი კიევის წმინდა სოფიას საკათედრო ტაძარია, რომელიც მე-11 საუკუნეში ააგეს.

3. ვიშივანკა უკრაინის ეროვნული სამოსია

ფოტო: Twitter

უკრაინელები ყოველწლიურად ვიშივანკას დღეს აღნიშნავენ და ორიგინალურ ეროვნულ სამოსს ირგებენ.

4. ბორშჩი უკრაინული წარმოშობის კერძია

ფოტო: Wikimedia Commons

ბორშჩი, რომელიც საქართველოშიც პოპულარული წვნიანია, უკრაინელებსაც ძალიან უყვართ. უკრაინაში სხვადასხვა სახის ბორშჩს ამზადებენ, რაც ინგრედიენტებზეა დამოკიდებული.

5. პირველი გაზის ნათურა ლვოვში მცხოვრებმა ფარმაცევტებმა გამოიგონეს

ფოტო: Getty Images

დღეს იმ ადგილს, სადაც ადრე აფთიაქი იყო და ფარმაცევტები მუშაობდნენ, Gasova L’ampa ჰქვია და პატარა კაფე არის გახსნილი.

6. პოპულარული და ცნობილი "სიყვარულის გვირაბი" უკრაინაში მდებარეობს

ფოტო: Getty Images

ე.წ. "სიყვარულის გვირაბი" უკრაინის სოფელ კლევანში მდებარეობს. "გვირაბში" რკინიგზა გადის, რომელზეც მატარებლები აქტიურად დადიან.

7. მზესუმზირას წარმოებით უკრაინა მსოფლიოში პირველი ქვეყანაა

ფოტო: Getty Images

გარდა ამისა, მზესუმზირა უკრაინის ეროვნული ყვავილია. 1996 წელს უკრაინის ოფიციალურმა პირებმა ქალაქ პერვომაისკის სარაკეტო ბაზაზე ქვეყნიდან ბირთვული იარაღის გატანის აღსანიშნავად მზესუმზირები დარგეს.

8. უკრაინას "ევროპის პურის კალათას" ეძახიან

ფოტო: Getty Images

უკრაინა დღეს მსოფლიოში ხორბლის ერთ-ერთი უმსხვილესი მწარმოებელი ქვეყანაა, რაც მისი კლიმატითა და ნაყოფიერი მიწებით არის განპირობებული.

9. ყველაზე მძიმე თვითმფრინავი An-225 Mriya უკრაინაში შექმნეს

ფოტო: Getty Images


სამწუხაროდ, უკრაინული An-225 Mriya, რომელიც 1985 წელს შექმნეს, რუსეთთან ომს შეეწირა და ის რუსმა ოკუპანტებმა რამდენიმე დღის წინ გაანადგურეს.

10. მსოფლიოში ყველაზე ღრმა მეტროსადგური კიევში მდებარეობს

ფოტო: Wikimedia Commons


მეტროსადგური, სახელად Арсенальна, კიევში მდებარეობს და 1960 წელს ააგეს. ის დღემდე მსოფლიოს ყველაზე ღრმა მეტროსადგურია, რომელიც 105,5 მეტრის სიღრმეზე მდებარეობს.