საგარეჯოში ერთიანი ნაციონალური მოძრაობის ოფისი დაარბიეს. როგორც On.ge-ს პარტიაში განუცხადეს, შემთხვევა დაახლოებით 2 საათის წინ მოხდა.

საკრებულოს წევრი, გარი ბუხნიკაშვილი ამბობს, რომ ამ დროს ოფისში პარტიის წარმომადგენლები არ ყოფილან.

როგორც On.ge-ს შინაგან საქმეთა სამინისტროში განუცხადეს, საქმეზე გამოძიება სისხლის სამართლის კოდექსის 160-ე და 187-ე მუხლებით დაიწყო, რაც გულისხმობს ბინის ან სხვა მფლობელობის ხელშეუხებლობის დარღვევასა და ნივთის დაზიანება ან განადგურებას.