ვოლოდიმირ ზელენსკის განცხადებით, უკრაინამ პოლონეთთან ძალიან ძლიერი ალიანსი დაამყარა. მისი თქმით, ეს ალიანსი არა "ქაღალდზე დაწერილი სიტყვებიდან", არამედ რეალობიდან მოდის.

"ვგრძნობ, რომ უკვე დავამყარეთ ძალიან ძლიერი ალიანსი პოლონეთთან. თუნდაც არაფორმალური, მაგრამ ალიანსი, რომელიც წარმოიშვა რეალობიდან და არა ქაღალდზე დაწერილი სიტყვებიდან, სითბოდან ჩვენს გულებში და არა პოლიტიკური განცხადებებიდან სამიტებში. იქიდან, თუ როგორ ექცევით თქვენ ჩვენს ხალხს, უკრაინელებს, რომლებიც გადარჩნენ თქვენს მიწაზე ჩვენს მიწაზე მოსული ბოროტებისგან", — თქვა მან.

მისივე თქმით, პოლონელმა უკრაინის ნახევარ მილიონზე მეტი მოქალაქე საკუთარ ოჯახში, "ძმური სიკეთით" მიიღო.

ნახევარ მილიონზე მეტი უკრაინელი მოქალაქე! აბსოლუტური უმრავლესობა ქალები და ბავშვები არიან. და ისინი თავს არა უცხო ქვეყანაში, არამედ მიღებულად გრძნობენ. თქვენ შეხვდით ჩვენს ხალხს ოჯახებში, პოლონური დელიკატურობით, ძმური სიკეთით. მიუხედავად იმისა, რომ ეს ჩვენ არ გვითხოვია, თქვენ არაფერი გვთხოვეთ ამისთვის. ასეთი ურთიერთობა ახლობლებს შორსაა. თუ ღმერთი ინებებს და გავიმარჯვებთ ამ ომში, გამარჯვებას ჩვენს დებსა და ძმებს გავუზიარებთ ეს თქვენი დიდებაა, ეს ჩვენი დიდებაა", — განაცხადა უკრაინის პრეზიდენტმა.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში