უკრაინის პრეზიდენტი ვოლოდიმირ ზელენსკი მარიუპოლში რუსების მიერ სამშობიაროს დაბომბვას ეხმაურება და ამბობს, რომ ეს სიველურეა. ის კიდევ ერთხელ მოუწოდებს დახურონ ცა და შეაჩერონ მკვლელობები.

"მარიუპოლი. რუსი სამხედროების პირდაპირი დარტყმა სამშობიაროზე. ხალხი, ბავშვები ნანგრევების ქვეშ არიან. სიველურე! როდემდე იქნება სამყარო თანამონაწილე ტერორის იგნორით? დახურეთ ცა ახლავე! შეაჩერეთ მკვლელობები! თქვენ გაქვთ ძალა, მაგრამ, როგორც ჩანს, კარგავთ ადამიანობას", — წერს ის.

უკრაინის ეროვნული პოლიციის უფროსის პირველი მოადგილის განცხადებით, რუსმა ოკუპანტებმა მარიუპოლის სამშობიარო დაბომბეს. მისი თქმით, დაჭრილი და დაღუპულია რამდენიმე ქალი.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში