ქართულმა ოცნებამ 5 მარტს პრეზიდენტ სალომე ზურაბიშვილის მოსმენას ბიუროს სხდომაზე მხარი არ დაუჭირა. საპარლამენტო უმრავლესობის თქმით, პრეზიდენტის ანგარიშის მოსმენა საგაზაფხულო სესიის პირველ სხდომაზე უნდა შედგეს.

პარლამენტის თავმჯდომარის, შალვა პაპუაშვილის თქმით, პარლამენტის ბიურომ პრეზიდენტს მოხსენების თარიღად 15 მარტი შესთავაზა.

ოპოზიცია მოსმენის ხვალ, 5 მარტს ჩატარებას ითხოვდა. დეპუტატ ხატია დეკანოიძის თქმით, მოხსენება სასესიო დარბაზში არის მნიშვნელოვანი. მან აღნიშნა, რომ უმრავლესობა ახდენდა ძალის დემონსტრირებას. უმრავლესობა კი საუბრობდა, რომ პრეზიდენტის წლიური ანგარიში არ ითვალისწინებს დებატებს.

"ფორმატი რეგლამენტშია გათვალისწინებული, არ ითვალისწინებს დებატებს, არამედ ითვალისწინებს პრეზიდენტის გამოსვლას, შემდეგ ფრაქციის ხელმძღვანელების გამოსვლას რეგლამეტით გამოსვლის 10-10 წუთი. შემდეგ პრეზიდენტის დასკვნითი სიტყვას და დასრულებას არც დეპუტატებს აქვთ გამოსვლა და ა.შ", — თქვა პაპუაშვილმა.

ლელოს დეპუტატმა ანა ნაცვლიშვილმა ბიუროზე აღნიშნა, რომ მიზეზები არის ფორმალისტური და თქვა, რომ, რა თქმა უნდა პრეზიდენტმა წინა წელზე უნდა ისაუბროს, მაგრამ განმარტა, რომ რეგლამენტში არსად წერია, რომ ესაა ანგარიში წინა წელზე.

"რეგლამენტში წერია, რომ პრეზიდენტი წელიწადში ერთხელ მოდის პარლამენტში და მოხსენებას, არა ანგარიშს, არამედ მოხსენებას წარადგენს ქვეყნისთვის უმნიშვნელოვანეს საკითხებზე", — თქვა მან.

საქართველოს პრეზიდენტის ადმინისტრაციამ საქართველოს პარლამენტს 2 მარტს მიმართა, ანგარიშის წარდგენას 5 მარტს გეგმავდა.