1992 წელს, როდესაც ეკრანზე დისნეის ანიმაციური ფილმი ალადინი გამოვიდა, ყველა აღფრთოვანებული იყო იმით, თუ რამდენად ორგანულად ერწყმოდა რობინ უილიამსის ხმა ანიმაციის ისტორიაში ერთ-ერთ ყველაზე საყვარელ პერსონაჟს - ჯინის.

როგორც ახლა გაირკვა, უკვე კლასიკად ქცეული ალადინის რიმეიქში, რომელსაც გაი რიჩი გადაიღებს, ჯინის როლს უილ სმიტი შეასრულებს.

აღსანიშნავია, რომ ჯერ-ჯერობით უცნობია თუ ვინ შეასრულებს ალადინისა და ჟასმინის როლებს.

როგოც კასტინგ-მენეჯერი ამბობს, მთავარი მოთხოვნა ახლო აღმოსავლური გარეგნობა, სიმღერისა და ცეკვის ნიჭი და ასაკია, რომელიც 18-25 წელს შორის მერყეობს.

ფილმის გადაღებები 2017 წლის ივლისში დიდ ბრიტანეთში დაიწყება და 2018 წლის იანვრამდე გაგრძელდება.