"ევროკავშირი საქართველოს გვერდით დგას" — ზურაბიშვილი ევროკომისიის პრეზიდენტს შეხვდა

საქართველოს პრეზიდენტი სალომე ზურაბიშვილი ევროკომისიის პრეზიდენტს, ურსულა ფონ დე ლაიენს შეხვდა. შეხვედრის შემდეგ ლაიენმა ტვიტერზე დაწერა, რომ ევროკავშსირი საქართველოს გვერდით დგას და მხარს უჭერს მის სუვერენიტეტს.

"შევხვდი საქართველოს პრეზიდენტს, სალომე ზურაბიშშვილს, რათა განგვეხილა მიმდინარე კრიზისი. ევროკავშირი საქართველოს გვერდით დგას და მხარს უჭერს მის სუვერენიტეტსა და გამძლეობას ამ რთულ დროს. მზად ვართ, რომ გავაძლიეროთ თანამშრომლობა, მათ შორის კიბერუსაფრთხოების, სტრატეგიული კომუნიკაციებისა და ჰიბრიდული საფრთხეების მხრივ", — წერს ლაიენი.

I met 🇬🇪 President @Zourabichvili_S to discuss the current crisis.

The EU stands by Georgia and supports its sovereignty and resilience in these difficult times.

We are ready to step up our cooperation, including on cyber security, strategic communication and hybrid threats. pic.twitter.com/wAUvaZv03Y
— Ursula von der Leyen (@vonderleyen) March 1, 2022