თბილისის მერის, კახა კალაძის განცხადებით, საჭიროების შემთხვევაში, უკრაინელი სტუმრებისთვის მგზავრობა უფასო იქნება. მისი თქმით, უკრაინის მოქალაქეები, რომლებიც ვერ ახერხებენ საქართველოდან საკუთარ ქვეყანაში დაბრუნებას, სასტუმროებში განათავსეს.

"შეიძლება უმნიშვნელოა, მაგრამ საჭიროების შემთხვევაში, მუნიციპალური ტრანსპორტით მგზავრობა ჩვენი უკრაინელი სტუმრებისთვის იქნება უფასო. მათ გადაეცემათ სამგზავრო აბონემენტები", — განაცხადა კალაძემ.

მერმა, ასევე, თქვა, რომ თბილისში უკრაინელი მოქალაქეებისთვის ჰუმანიტარული დახმარება შეგროვდება.