მოსკოვის მაცხოვრებლები მეტროში ბარათით გადახდას ვეღარ ახერხებენ, რის გამოც დედაქალაქის ტრანსპორტის დეპარტამენტი სალაროებში რესურსს ამატებს. ამის შესახებ განცხადება ოფიციალური ტელეგრამ-არხით გავრცელდა.

პრობლემა მას შემდეგ გაჩნდა, რაც ქვეყანაში Apple Pay-თა და Google Pay-ით გადახდა შეიზღუდა, რომლებზეც ვიზა და მასტერქარდ ბარათებია მიბმული.

"ახლა ყველას არ შეუძლია მგზავრობის საფასური Apple Pay და Google Pay სერვისებით გადაიხადოს... მიზეზი ბანკ VTB-ისთვის დაწესებული სანქციებია, რომელიც მოსკოვის ტრანსპორტში მგზავრობას უზრუნველყოფს".

მოსკოვის მაცხოვრებლებს გადახდის ალტერნატივად სხვა ბანკების ბარათებს, ბილეთს და ნაღდ ფულს სთავაზობენ.

გაიგეთ მეტი: რუსეთისთვის დაწესებული ყველა სანქცია ერთად ანუ მსოფლიოს პასუხი პუტინს

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში