გირჩი — მეტი თავისუფლების ლიდერის, ზურაბ ჯაფარიძის განცხადებით, მე-10 მოწვევის პარლამენტი "მასკარადია" და არაფერი არ შეიცვლება. ჟურნალისტის კითხვას, პარლამენტში შესვლა ერთმნიშვნელოვნად იყო შეცდომა, ჯაფარიძეს პასუხობს, რომ კი.

"კი, რა თქმა უნდა, იქ ყოფნა რას ცვლის? რაღაც თვალსაზრისით პრინციპის და ჩემი გადმოსახედიდან, თავმოყვარეობის ამბავიც არის, რაღაცაზე ხელი მოვაწერეთ, სადაც ეწერა, რომ იმათ უნდა შეესრულებინათ 5 პირობა და ჩვენ ერთი, რომ შევსულიყავით პარლამენტში. იმათ 5-ვე პირობა თავზე დაგვახიეს და შენ რატომ ასრულებ ამას? მაშინ, თუ უბრალოდ შესვლა გინდოდა, საერთოდ რას ჯდებოდი მოლაპარაკებების მაგიდაზე?

არ მჯერა, რომ ამ პარლამენტში შეიძლება გავიდეს რაიმე მნიშვნელოვანი ინიციატივა, მანამ, სანამ ეს პარლამენტი არსებობს, რომელიც ამ ქვეყანაში ადამიანებს მისცემს მეტ თავისუფლებას და შეამცირებს ამ ხალხის ძალაუფლებას, ეგეთი ვერაფერი ვერ გავა", — განაცხადა მან", — განაცხადა მან ფორმულას ეთერში.

ქართული ოცნება შარლ მიშელის შეთანხმებიდან 28 ივლისს გავიდა და დოკუმენტი ანულირებულად გამოაცხადა. პარტიის თავმჯდომარემ, ირაკლი კობახიძემ ეს ოპოზიციას დააბრალა და თქვა, რომ შეთანხმებას მხოლოდ ისინი ასრულებდნენ, რაც არასწორია, ამიტომ დოკუმენტმა თავი ამოწურა.

მიშელის შეთანხმების ერთ-ერთი მთავარი ჩანაწერი 43%-იანი ბარიერი იყო, რაც იმას ნიშნავდა, რომ თუ ქართულ ოცნებას თვითმმართველობის არჩევნებზე ამაზე ნაკლები შედეგი ექნებოდა, რიგგარეშე არჩევნები უნდა ჩატარებულიყო.