პარლამენტში საარჩევნო კოდექსის ე.წ. გერმანულ მოდელს ადამიანის უფლებათა და რეგიონული პოლიტიკის კომიტეტის გაერთიანებულ სხდომაზე განიხილავენ. რესპუბლიკელების მიერ ინიცირებულ პროექტი დეპუტატებს იურიდიულ საკითხთა კომიტეტის თავჯდომარემ, ვახტანგ ხმალაძემ წარუდგინა, რის შემდეგაც სხდომა კითხვა-პასუხის რეჯიმში წარიმართა.

ვახტანგ ხმალაძის განმარტებით, ე.წ გერმანული მოდელის მიღება აუცილებელია, რადგან ის ხმების თანაბარ და პროპორციულად გადანაწილების საშუალებას იძლევა. მისი თქმით, კანონპროექტის თანახმად, პარტიას ან ბლოკს მანდატების იმდენი პროცენტი შეხვდება, რამდენ პროცენტსაც ის ამომრჩეველთა ხმებიდან მიიღებს:

"თუ პარტიულმა სიამ მიიღო ხმების 40 პროცენტი, მას ერგება 60 მანდატი. თუ მიიღო 10 პროცენტი, მას ერგება 15 მანდატი. შეიძლება იყოს უმნიშვნელო გადახრა ერთ-ორ მანდატში დათვლისას, მაგრამ სხვაგვარად ვერა".

უმრავლესობის წევრი, ეკა ბესელია ეწინააღმდეგება აღნიშნულ მოდელს და განმარტავს, რომ ეს მოდელი კონსტიტუციასთან წინააღმდეგობაში მოდის. მისი თქმით, პარლამენტი, მოსახლეობის უმრავლესობის მხარდაჭერით, ან კონსტიტუციურ ცვლილებებზე უნდა შეთანხმდეს, ან ე.წ. გერმანულ მოდელზე პარლმაენტმა ჯერჯერობთ უნდა თქვას.

საარჩევნო კოდექსის ე.წ. გერმანულ მოდელს მხარს ოპოზიცია უჭერს.