ოცნების პარლამენტის დროებითი საგამოძიებო კომისია პარტია გახარია საქართველოსთვის ლიდერ გიორგი გახარიას 2 ივლისამდე აძლევს ვადას, იმისათვის, რომ კომისიაზე გამოცხადდეს.

შეგახსენებთ, პარტიამ გახარია საქართველოსთვის გუშინ, 22 ივნისს, გაავრცელა განცხადება, რომ "გიორგი გახარია წინასწარ დაგეგმილი ვიზიტით საზღვარგარეთ იმყოფება და გამოთქვა მზაობა, საგამოძიებო კომისიის სხდომაში მონაწილეობა მიიღოს დისტანციურ, ე.წ. "ონლაინ” რეჟიმში", რაზეც კომისიამ უარი განაცხადა.

"ორი დღის წინ, იგივე წარმომადგენელი უკავშირდება სამდივნოს და ეუბნება, რომ გიორგი გახარიამ ქვეყანა დატოვა და რომ ის შესაბამისად ვერ გამოცხადდება ორშაბათს და ითხოვს, რომ მოხდეს მისი ჩართვა. გაეგზავნა პასუხი კომისიის სახელით, რომ ეს არ იყო დაკმაყოფილებული და ის ფიზიკურად უნდა გამოცხადებულიყო 12:00 საათზე. ჩვენ უნდა ვიმსჯელოთ რას ვაკეთებთ ან უნდა ვუყაროთ კენჭი და ეს საკითხი გადავაგზავნოთ პროკურატურაში. ან კიდევ მივიღოთ სხვა ტილის მიდგომა, ავირჩიოთ... დავიბაროთ კიდევ ერთხელ," — თქვა წულუკიანმა.

მისივე თქმით, გახარიას "ონალინ" რეჟიმში ჩართვაზე უარი ტექნიკური ხარვეზების თავიდან ასარიდებლად უთხრეს

"არც ის არის გამორიცხული, რომ მაგალითად გაითიშოს ან ეს მოხდეს განზრახ" — აღნიშნა წულუკიანმა.

ცნობისთვის, ყოფილი პრემიერი გიორგი გახარია საგამოძიებო კომისიაზე მეორედ დაიბარეს. პირველად ოცნების პარლამენტის საგამოძიებო კომისიის წინაშე მიმდინარე წლის აპრილში წარდგა.

ასევე იხილეთ: