"აი, ზუსტად ეს შედეგი დააყენეს იმ უცხოელმა პოლიტიკოსებმა და დიპლომატებმა, რომლებმაც შეაგულიანეს ოპოზიციის ეს წარმომადგენლები, რომ მიდით, თქვენ არ დაემორჩილოთ კონსტიტუციას," — ასე ეხმაურება ოცნების პარლამენტის თავმჯდომარე შალვა პაპუაშვილი ზურაბ გირჩი ჯაფარიძისთვის 7-თვიანი პატიმრობის შეფარდებას

პაპუაშვილის თქმით, "ასე ამთავრებენ ისინი, ვინც დადიან უცხოელების ჭკუაზე"

"ვინც არღვევს საქართველოს კონსტიტუციას, რა თქმა უნდა მიიღებს შესაბამის პასუხს ქართველი ხალხისგან მისი სასამართლოების მეშვეობით. უცხოელმა დიპლომატებმა თუ პოლიტიკოსებმა, ვინც ეს ადამიანები წააქეზეს იმაზე, რომ არ აღიარონ პარლამენტი, დემოკრატიულ ინსტიტუტებს გამოუცხადონ ბრძოლა, ძირის გამოთხრა — აძლევენ, აქეზებენ, აგულიანებენ და თავის მხარდაჭერას წინასწარ უცხადებენ. აი, ზუსტად ეს შედეგი დააყენეს ამ უცხოელმა პოლიტიკოსებმა და დიპლომატებმა, რომლებმაც შეაგულიანეს ოპოზიციის ეს წარმომადგენლები, რომ მიდით, თქვენ არ დაემორჩილოთ კონსტიტუციას, არ დაემორჩილოთ კანონებს, ძირი გამოუთხარეთ ან არ აღიაროთ დემოკრატიული ინსტიტუტები, როგორიც არის ხალხის მიერ არჩეული პარლამენტი და მისი საგამოძიებო კომისია, მიდით და ჩვენ გვერდში დაგიდგებით. აი, ასე ამთავრებენ ისინი, ვინც დადიან უცხოელების ჭკუაზე და საბოლოო ჯამში ვხედავთ, რომ ისინი ვინც აქეზებენ სხვებს დანაშაულზე, თავად მშვიდად არიან და ადამიანებს უწევთ შემდეგ სასჯელის მოხდა სასჯელაღსრულების დაწესებულებაში", — შალვა პაპუაშვილი

ასევე იხილეთ: