უკრაინის საგარეო საქმეთა სამინისტროს განცხადებით, ახლა ქვეყნისთვის კრიტიკულად მნიშვნელოვანია სიმშვიდის შენარჩუნება, ერთიანობა, ისეთი ქმედებებისგან თავის შეკავება, რომელიც სტაბილურობას ძირს უთხრის და თესავს პანიკას.

"ახლა კრიტიკულად მნიშვნელოვანია სიმშვიდის შენარჩუნება, ქვეყნის შიგნით ერთიანობა და ისეთი ქმედებებისგან თავის შეკავება, რომელიც სტაბილურობას ძირს უთხრის და პანიკას თესავს

უკრაინის სამხედრო ძალები მუდმივად აკონტროლებენ მოვლენებს და მზად არიან მოიგერიონ ნებისმიერი თავდასხმა უკრაინის ტერიტორიულ მთლიანობასა და სუვერენიტეტზე", — აცხადებს უწყება.

განცხადებაში აღნიშნულია, რომ რუსეთის შეკავების ზომების ყოვლისმომცველი პაკერი, რომელიც უკრაინამ პარტნიორებს 2021 წლის ნოემბერში შესთავაზა, კრემლის აგრესიულ პოლიტიკასთან დასაპირისპირებლად ეფექტურ მექანიზმად იქცა.

"გუშინ, უკრაინის პრეზიდენტის, ვოლოდიმირ ზელენსკის თავმჯდომარეობით ეროვნული უსაფრთხოებისა და დაცვის საბჭომ ამჟამინდელი უსაფრთხოების მდგომარეობისა და შემდგომი ქმედებების ანალიზი გააკეთა.

პრეზიდენტის, პარლამენტისა და მთავრობის ბოლოდროინდელი გადაწყვეტილებების გამო, ასევე, მთავარი პარტნიორების დახმარებით, უკრაინამ კიდევ უფრო გააძლიერა უსაფრთხოებისა და მოქალაქეების დაცვის შესაძლებლობები.

რუსეთის შეკავების ზომების ყოვლისმმომცველი პაკეტი, რომელიც უკრაინამ შესთავაზა მის პარტნიორებს 2021 წლის ნოემბერში, იქცა ეფექტურ მექანიზმად კრემლის აგრესიული პოლიტიკასთან დასაპირისპირებლად. უკრაინას ახლა მტკიცე პოზიცია უჭირავს, ყველა დონეზე კოორდინირებული დიპლომატიური კონტაქტების, აშშ-ის და ევროკავშირის მიერ მძიმე ეკონომიკური სანქციების მომზადების, სამხედრო მიწოდებისა და მაკროფინანსური დახმარების ჩათვლით", — აცხადებენ უკრაინის საგარეო საქმეთა სამინისტროში.

დღეს, 12 თებერვალს უკრაინაში მყოფი საქართველოს მოქალაქეებისთვის ცხელი ხაზი ამოქმედდა. საგარეო საქმეთა სამინისტრო მოქალაქეებს მოუწოდებს, კავშირზე დარჩნენ საქართველოს საელჩოსთან უკრაინაში.

11 თებერვალს ამერიკის შეერთებული შტატების სახელმწიფო მდივნმა, ენტონი ბლინკენმა განაცხადა, რომ რუსეთი უკრაინაში, შეიძლება, ნებისმიერ დროს შეიჭრას.

მოგვიანებით ეროვნული უსაფრთხოების საკითხებში აშშ-ის პრეზიდენტის მრჩეველმა, ჯეიკ სალივანმა კი მოუწოდა აშშ-ის მოქალაქეებს, დაუყოვნებლივ დატოვონ უკრაინა.

სხვა ქვეყეყნებიც, მათ შორის ბრიტანეთი, ასევე მოუწოდებენ საკუთარ მოქალაქეებს დატოვონ უკრაინა. დიდი ბრიტანეთის ელჩმა უკრაინაში, მელინდა სიმონსმა კი Twitter-ზე დაწერა, რომ კიევში რჩება და გუნდთან ერთად მუშაობას აგრძელებს.

გაიგე მეტი: