ავღანეთის თავდაცვის სამინისტროს ცნობით, 14 აპრილს ამერიკის საჰაერო ძალების მიერ ავღანეთში, პაკისტანის საზღვართან სიახლოვეს, ყველაზე დიდი არაატომური ბომბის ჩამოგდებას 36 ტერორისტი ემსხვერპლა, ასევე განადგურებულია მათი იარაღის საცავი და მიწისქვეშა გვირაბები.

როგორც ავღანელი მაღალჩინოსნები ამბობენ, ოპერაცია კარგად იყო დაგეგმილი და ავიაიერიშს მსხვერპლი არ მოჰყოლია მშვიდობიან მოსახლეობაში, რადგან ის დიდი სიზუსტით იყო დაგეგმილი. რაც შეეხება განადგურებულ გვირაბებს, მას ტერორისტული ორგანიზაცია ისლამური სახელმწიფოს მებრძოლები პაკისტანიდან გადასასვლელად იყენებდნენ.

ამერიკის შეერთებული შტატების ჩამოგდებული ბომბი 9,8 ტონას იწონის და ის "დედა ბომბის" მეტსახელითაა ცნობილი. ეს არის ყველაზე დიდი, არაატომური ბომბი.