საოპერო მომღერალი პაატა ბურჭულაძე რუსეთში, პეტერბურგის მიხაილოვსკის თეატრის სამხატვრო ხელმძღვანელად დაინიშნა. ინფორმაციას ამის შესახებ რუსული მედია ავრცელებს.

რია ნოვოსტის ცნობით, ბურჭულაძე მოვალეობის შესრულებას 2017 წლის პირველი ივლისიდან შეუდგება, თეატრის დასს კი 18 აპრილს წარუდგენენ. თეატრის დასის მართვის გარდა, ბურჭულაძე თავადაც დადგება სცენაზე.

პაატა ბურჭულაძე მსოფლიოში ცნობილი საოპერო მომღერალია. მან 2016 წელს საქართველოში პარტია, მოძრაობა ხალხისთვის, დააარსა, თუმცა მაშ შემდეგ, რაც მისმა პარტიამ საპარლამენტო არჩევნებში საარჩევნო ბარიერიც ვერ გადალახა, პოლიტიკას ჩამოშორდა.