Spider-Man: No Way Home ყველა დროის მაღალშემოსავლიან ფილმებს შორის უკვე მე-6 ადგილზეა. ტომ ჰოლანდის, ენდრიუ გარფილდისა და ტობი მაგუაირის ეკრანებზე ერთად გამოჩენა კი ფანებისთვის ფილმის ყველაზე საყვარელი ნაწილია, რამაც Spider-Man: No Way Home მრავალი თაობისთვის კულტურულ ფენომენად აქცია.

ბოლო ინტერვიუში ტომ ჰოლანდმა ორივე ადამიან ობობას მადლობა გადაუხადა ახალ ფილმში გამოჩენისთვის, თუმცა ასევე ახსენა ის დაძაბულობა, რომელიც ენდრიუ გარფილდთან ჰქონდა.

ფოტო: Getty Images

"რასაც ახლა სინანულით ვიხსენებ, ის არის, რომ Spider-Man-ში როლის მიღების შემდეგ ენდრიუ გარფილს არ დავურეკე, რომელიც მე ჩავანაცვლე. მეორე ფილმის შემდეგ ჩემთვის ვინმეს რომ ეთქვა, შენი მონაწილეობა მორჩა და ადამიანი ობობას როლს ახლა სხვა შეასრულებსო, გული ძალიან დამწყდებოდა. ვნანობ, რომ ენდრიუსთან ურთიერთობა დროულად არ დავალაგე, თუმცა Spider-Man: No Way Home-მა ახალი შანსი მოგვცა. ფილმი მხოლოდ გარფილდთან შერიგების შესაძლებლობა არ ყოფილა, არამედ ჩვენ მივხვდით, რომ ადამიან ობობად ყოფნის გაზიარება ორივეს შეგვიძლია", — ამბობს ჰოლანდი.

ფოტო: Marvel

ტომ ჰოლანდის თქმით, ენდრიუ გარფილდთან და ტობი მაგუაირთან პირველი სცენის გადაღება ძალიან ემოციური იყო. "მათი მოსვლით ბედნიერი ვიყავი და მსახიობებს მადლობა გადავუხადე იმ შესაძლებლობისთვის, რომ ნება მომცეს, მათთან ერთად ამ ფილმის ნაწილი ვყოფილიყავი. ერთმანეთს ჩავეხუტეთ და ბევრი ვიტირეთ, რადგან ეს მომენტი ჩვენთვის ბევრს ნიშნავდა", — დასძინა ჰოლანდმა.