დღეიდან, 7 თებერვლიდან საქართველო ემატება იმ ქვეყნების სიას, რომელთა მოქალაქეებსაც საბერძნეთში შესვლა შეუძლიათ. ინფორმაციას საგარეო საქმეთა სამინისტროს ავრცელებს. მათივე ცნობით, გამგზავრებას შეძლებენ ის მოქალაქეები, რომლებიც აკმაყოფილებენ შემდეგ პირობებს:

  • ვაქცინირებულია გამგზავრებამდე არანაკლებ 14 დღით ადრე;
  • ფლობს ვაქცინაციის მოწმობას, რომელიც ძალაშია ვაქცინაციის ბოლო დოზიდან მომდევნო ცხრა (9) თვის განმავლობაში;
  • წარადგენს COVID-19-სგან გამოჯანმრთელების დამადასტურებელ საბუთს, გაცემულს დიაგნოსტიკიდან მე-14 დღეს - 180 დღიანი მოქმედების ვადით;
  • წარადგენს უარყოფით მოლეკულურ ტესტს (PCR), რომელიც მგზავრობამდე მაქსიმუმ 72 საათით ადრეა გაკეთებული;

  • წარადგენს ოცდაოთხი (24) საათით ადრე გაკეთებულ ანტიგენის სწრაფი ტესტის უარყოფით პასუხს.

საგარეოს განცხადებით, ყველა მგზავრი ვალდებულია საბერძნეთში გამგზავრებამდე შეავსოს PLF ფორმა.