თუ Black Mirror-ის მესამე სეზონს უყურეთ, მაშინ ის სერიაც გემახსოვრებათ, რომელშიც ერთ-ერთ პერსონაჟს, ახალი მოწყობილობის საშუალებით, ვირტუალურ რეალობაში უშვებენ. იქ კი მას ხვდება თამაში, რომელიც მისი ტვინიდან იღებს ინფორმაციას და შიშებზე დაფუძნებით უფრო და უფრო საშინელებებს სთავაზობს მას. ვისაც არ გინახავთ, მათთვის არ დავასპოილერებთ, ხოლო ვინც ნახეთ, ისედაც გეცოდინებათ.

მთლად ასეთივე მოწყობილობა არა, მაგრამ შეიძლება ითქვას, რომ ჰოლანდიელმა დიზაინერმა დენიელ დე ბრიუნმა ახალი თაობის ატრაქციონი შექმნა. უტრეხტის ხელოვნების უნივერსიტეტის სადიპლომო ნაშრომად მან ეს მოწყობილობა წარმოადგინა:

NEUROTRANSMITTER 3000 ბიომეტრიულ მონაცემებს იღებს, ამუშავებს და ამის მერე წყვეტს აჩქარდეს, შენელდეს თუ სიჩქარე შეინარჩუნოს. მოწყობილობა მგზავრის პულსს, კუნთების დაძაბულობასა და სხეულის ტემპერატურას ზომავს და ამ მონაცემების მიხედვით ადგენს გეშინიათ თუ არა საკმარისად. თუ არ გეშინიათ, მაშინ კიდევ უფრო აჩქარდება.

დენიელის პროექტი ძალიან საინტერესოა და უნდა ვივარაუდოთ, რომ ამ ტექნოლოგიას გასართობ ინდუსტრიაში აქტიურად დანერგავენ.