სურსათის ეროვნული სააგენტოს ცნობით, თბილისში, ლილოს დასახლებაში ნახევარ ტონამდე გაურკვეველი წარმომავლობის ხორცი, სანიტარულ-ჰიგიენური ნორმებისა და ეტიკეტირების წესის უხეში დარღვევა, ასევე, კრიტიკული და არაკრიტიკული შეუსაბამობები გამოავლინეს.

განცხადებაში აღნიშნულია, რომ იგორ ტყემელაძის 14ა ნომერში მდებარე საწარმო კუსტარულად იყო მოწყობილი და სურსათის ეროვნული სააგენტოს გვერდის ავლით საქმიანობდა.

სებ-ის თქმით, სახეობრივი კვლევის მიზნით, აღებულია ნიმუშები, რომლებიც აკრედიტებულ ლაბორატორიაში გაიგზავნება. მათივე განცხადებით, ბიზნესოპერატორი დაჯარიმდა და საწარმოო პროცესი შეუჩერდა — დალუქული ხორცი სურსათის ეროვნული სააგენტოს ზედამხედველობით, კანონმდებლობის შესაბამისად განადგურდა.